Axmed Madoobe oo Fariin Culus u diray Somaliland iyo Puntland “Joojiya Dagaalka Tukaraq,,

0
658

Muqdisho (Humbaale.com):- Axmed Maxamed Islam “Axmed Madoobe” oo ah Madaxweynaha Maamulka Jubbaland ayaa ka hadlay xiisadda colaadeed ee Somaliland iyo Puntland ku dhexmaraysa degaanka Tukaraq ee Gobolka Sool.

Madaxweynaha waxa uu sheegay inuu aad uga xunyahay dagaalada ka dhacaya Tukaraq, isagoo xusay inaysan hadda jirin sabab uu dagaal uga dhaco Tukaraq, kaliya dadka waxyeelada kasoo gaareysana ay tahay dadka shacabka ah ee degan halkaasi.

Waxa uu tilmaamay Axmed Madoobe in markastaba ay haboon tahay in xalka halka uu jiro laga doono inta uu dhici lahaa gacan ka hadal, waxa uuna ugu baaqay masuuliyiinta labada maamul iyo waxgaradka kasoo jeeda Tukaraq ay xiisaddan colaadeed ay xal ka gaaraan.

Hadalka Madaxweynaha Jubbaland Axmed Maxamed Islam “Axmed Madoobe” ayaa kusoo aadaya xilli dhowr jeer oo hore ay dagaalo ku dhexmareen ciidamada maamulada Somaliland iyo Puntland degaanka Tukaraq ee Gobolka Sool,dagaalkaas oo ka dhashay khasaare isugu jira dhimasho iyo dhaawac.

Waxaana jirtay in horay uu madaxweynaha Soomaaliya Maxamed C/llahi Farmaajo uu ugu baaqay labada dhinac ay dirirta dhexmareyso ay dagaalka u joojiyaan si deg-deg ah oo shuruud la’aan ah.

Humbaale News

Muqdisho

Humbaale12@gmail.com

Post Hussein Xalane

LEAVE A REPLY

Please enter your comment!
Please enter your name here